ஆண்மையைப் பெருக்கும் ஓரிதழ் தாமரை!

ஓரிதழ் தாமரை : orithal thamarai powder uses in tamil

இதற்கும் தாமரைக்கும் எந்தவித தொடர்புமில்லை. மழைக்காலங்களில் தரிசு நிலங்களில் தன்னிச்சையாக வளரும் சிறு செடியினம். இதன் பூக்கள், செந்தாமரைப் பூவின் நிறத்தை ஒத்திருப்பதாலும், ஒவ்வொரு இதழாகக் காணப்படுவதாலும், ‘ஓரிதழ் தாமரை’ என்று பெயரானது. இதை அப்படியே வேருடன் பிடுங்கி நன்கு கழுவி அரைத்து, நெல்லிக்காயளவு காலையில் வெறும் வயிற்றில் உண்டு, சிறிது பசும்பால் குடித்துவர ஆண்மை பெருகும். வாலிப வயோதிகமும் குணமாகும். இதை உண்டுவரும் தம்பதியரில், பெண்கள் தங்கள் கணவர்களை ரத்தினமாகக் கருதி மதிப்பு கொடுப்பதால், இம்மூலிகைக்கு ‘புருசரத்தினம்’ என்ற பெயரும் உண்டு. இதன் மருத்துவகுணம் கருதி பல்வேறு ஆண்மைப் பெருக்கி லேகியங்களில் சேர்க்கப்படுகிறது. ஓரிதழ் தாமரை, கீழாநெல்லி, யானை நெருஞ்சில் ஆகிய மூன்றையும் அரைத்துப் பசும்பாலில் கலக்கி உண்டுவரத் தீராத வெள்ளைப்படுதல், கனவில் விந்துவெளியாதல், நாள்பட்ட சிறுநீர் எரிச்சல் ஆகியன குணமாகும்.

ஓரிதழ் தாமரை

ஓரிதழ் தாமரை

ஓரிலைத்தாமரை

மிகுந்த நீர்வளமிக்கப் பகுதிகளில் வளரும் ஒரு சிறிய தாவரயினமாகும். இதன் இலைகள் தாமரை இலை வடிவத்தில் இருப்பதாலும், ஒவ்வொரு இலையாகக் காணப்படுவதாலும் ‘ஓரிலைத்தாமரை’ எனப்படுகிறது. ஏரிகள் மாவட்டம் என அழைக்கப்படும் பழைய செங்கல்பட்டு மாவட்டத்தில் நீர்நிலைகளின் கரைகளில் 30 ஆண்டுகளுக்கு முன்னர் ஏராளமாகக் காணப்பட்டது. மதுராந்தகம் ஏரிக்கரையில் அதிகமாகக் காணப்பட்ட இத்தாவரம், பருவகால மாறுபாடுகளால் மிகவும் குறைந்துவிட்டது. இதன் கிழங்கு மற்றும் இலைச்சாறு கண்நோய்களைக் குணமாக்கும் தைலங்களில் பயன்படுத்தப்படுகிறது.

கல் தாமரை

கல் தாமரை

கல் தாமரை

மேற்குத் தொடர்ச்சி மலையின் தென்பகுதியில் உள்ள பொதிகை மலைக்காடுகளில் எப்போதும் தண்ணீர் கசிவுள்ள பாறைகளில் காணப்படும் ஓர் அரிய இனமாகும். கல்லின் மேல் காணப்படுவதாலும் இதன் இலை தாமரை வடிவில் காணப்படுவதாலும் ‘கல் தாமரை’ என அழைக்கப்படுகிறது. செம்புச்சத்து அதிகமாகக் காணப்படும் இத்தாவரம், கண்நோய்களைக் குணமாக்குவதாகக் கூறப்படுகிறது. ஆனால், இதற்குத் தகுந்த சான்றாதாரங்கள் இல்லை. ஆனாலும், மூலிகை விரும்பிகளின் பேராசையால் இது வேகமாக அழிந்துவருகிறது. இதேபோல, கால்வலியைக் குணமாக்கும் என்ற நம்பிக்கையால், கொல்லிமலைப் பகுதியில் ‘முடவாட்டுக்கால்’ என்ற அரிய வகைத் தாவரமும், அங்குள்ள வணிகர்களால் சூப் தயாரிப்பதற்காகச் சேகரிக்கப்படுகிறது. அதனால், அத்தாவரமும் வேகமாக அழிந்து வருகிறது.

மைக்கேல் செயராசு

மைக்கேல் செயராசு

 

 

 

 

 

 


நன்றி
பசுமை விகடன்

ஓரிதழ் தாமரை பவுடர் வாங்க : நாட்டுமருந்து.காம்

Leave a Reply

Your email address will not be published. Required fields are marked *